यज्ञप्रसाद सापकोटा,बर्दिया
नेपाल कै उत्कृष्ट भएको ताराताल सानाकिसान कृषि सहकारी संस्था लिमिटेड बर्दियाले २८ औँ साधारण सभाको अवसरमा सात जना जेष्ठ नागरिकलाई सम्मान गरेको छ । साधारण सभाको अवसरमा विगत् लामो समय देखि जेष्ठनागरिकलाई सम्मान गर्दै आएको संस्थाले यस बर्ष सात जना जेष्ठनागरिकलाई दोसल्ला ओढाएर, पौष्टिक आहार र सम्मान पत्र दिएर सम्मान गरेको हो ।
साधारण सभामा शेयर सदस्यहरू मध्ये १६ जना उत्कृष्ट कृषकहरूलाई कृषि सामाग्री र सम्मान पत्र दिएर सम्मान गरेको छ । त्यसैगरि एसइइमा उत्कृष्ट जिपिए ल्याउने शेयर सदस्यका चार जना छोराछोरीलाई नगद पाँच हजार सहित सम्मान गरेको छ ।
सहकारीका अध्यक्ष प्रेम प्रसाद तिमिल्सिनाले पाँच सय दुई ओटा समुहमा तीन हजार ९ सय ८२ जना शेयर सदस्य रहेको बताएका छन् । संस्थाको शेयर रकम छ करोड ५६ लाख ३१ हजार , निक्षेप मौज्दात ५० करोड ७६ लाख ७८ हजार रहेको छ । त्यसैगरी आर्थिक बर्ष २०८१/८२ सम्ममा संस्थाको आम्दानी १३ करोड ४५ लाख ८९ हजार भएको र खर्च १० करोड २४ लाख ९९ हजार र खुद नाफा तीन करोड २० लाख ९० हजार रहेको अध्यक्ष तिमिल्सिनाले बताताए े । त्यसैगरी ऋण जोखिम कोषमा तीन कराड ८९ लाख १३ हजार र जगेडा तथा अन्य कोषमा ९ करोड आठ लाख ३० हजार रहेको छ । संस्थाको लरर ९३ करोड ३७ लाख २ हजार रहेको प्रतिवेदनमा उल्लेख गरिएको छ । संस्थामा हाल कर्मचारी १५ जना कर्मचारी रहेका छन् ।
गत आर्थिक बर्ष २०८१/८२ मा सानाकिसान विकास वित्तीय संस्था लिमिटेडले देशभरीका १३ सय भन्दा बढि सानाकिसान कृषि सहकारीहरू मध्ये सर्वोत्कृष्ट सहकारी घोषणा गरि पुरस्कृत गरिएको थियो ।








