राजापुर ।
बर्दियाको राजापुर नगरपालिकामा आयोजना गरिएको रक्तदान कार्यक्रममा ६३ पिन्ट रगत संकलन भएको छ । राजापुर नगरपालिकाको सहयोग र समन्वयमा स्वयंसेवि रक्तदाता समाज राजापुरको आयोजनामा राजापुर बजारमा रक्तदान कार्यक्रम सचालन गरिएको थियो ।
राजापुर नगरपालिकामा थारू जातीको बाहुल्यता रहेको छ । थारू जातिमा देखा परेको वंशाणुगत रोग सिकलसेल एनिमिया र थालेसेमिया रोगको उपचारका लागि नियमित रगतको आवश्यक्ता पर्दछ । राजापुर स्वास्थ्य केन्द्रमा सञ्चालित रक्तसञ्चार सेवाका लागि रगत अभाव भएको हुनाले रक्तदान कार्यक्रमको आयोजना गरिएको हो । रक्तदान कार्यक्रममा राजापुर नगरपालिकाका नगरप्रमुख दिपेश थारू लगाएत ६३ जनाले रक्तदान गरेका थिए ।
रगत अभाव भएर गुलरिया , नेपालगन्ज र काठमाडौंसम्म पुग्नुपर्ने अवस्था नआओस भनेर रक्तदान कार्यक्रमको आयोजना गरिएको राजापुर नगरपालिकाका नगरप्रमुख दिपेश थारूले बताउनु भयो । उहाँले राजापुरमा ब्लड बैंक स्थापना भईसकेको हुनाले प्रत्येक स्वस्थ नागरिकले रक्तदान गरेर जीवन बचाउन सहयोग पुर्याउन नगरप्रमुख थारूले आग्रह गर्नु भयो ।
अध्यक्षतामा आयोजित कार्यक्रममा राजापुर नगरपालिकाका प्रमुख प्रशासकीय अधिकृत दशरथ बुढा, बर्दिया उद्योग वाणिज्य संघ राजापुरका अध्यक्ष कृष्णकुमार रेग्मी, नेपाल स्वयंसेवी रक्तदाता समूह राजापुरका पदाधिकारी, स्वास्थ्यकर्मी तथा रक्तदाताहरूको उपस्थिति उल्लेखनीय थियो ।
रक्तदान कार्यक्रम मार्फत संकलित रगत राजापुर ब्लड बैंकलाई उपलब्ध गराइने र नियमित रक्तदान अभियान सञ्चालन गरिने युनिक नेपाल बर्दियाका अध्यक्ष प्रेमबहादुर थारूले बताउनु भयो ।
